في طنجرة الضغط نديرو القديد والبصل والتوابل والبصل مقطع جوانح والزيت والسمن ونمرقو بالماء الكافي

نغلقو طنجرة الضغط ونخليوها طيب في هاد الاثناء نعجنو التريد ناخدو الدقيق والماء وشوية ملح ونص معلقة صغيرة سمنة ونعجنوها مزيان ونخليوها ترتاح ونقطعوها كويرات صغار ونخليوها ترتاح وناخدو الكويرة نطلقوها رقيقة بزاف ونديروها طيب في مقلة سخونة ونعاودو نطلقو كويرة تانية ونعملوها فوق الاولى اللي طابت كيف باين في الصورة

حتى نكملو جميع الكويرات بنفس الطريقة ناخدوهم ونفكوهم عن بعض وناخدو تلات ورقات نلفوهم على شكل سيگار ونقطعو بالموس للحصول على شرائط

في گصعة نفرشو تفريشة من التريد المقطع ونسقيوها بالمرق ونديرو تفريشة تانية ونسقيوها بالمرق