بعد بسم الله رحمان الرحيم
اول شيء نحضر العجينة :
نخلط المكونات الجافة مع بعض و نضيف زيت نخلطها مع بعض و نبدا نضيف الماء و نلم لعجين لان نتحصل على عحينة طرية و نحطها في كيس بلاستيكي و نخلها ترتاح مدة 20 د

بعد ما ترتاح نقسمهم لقرصات حسب ما بغيتي نتي كبار صغار حسب رغبة من بعد نبدا نحل بلوحدة لازم تكون رقيقة و نحطها ترتاح و نغطيلها و نحط طاجين مسمن يسخن نار هاادئة و نكمل نضرب لخرين و نحطها طيب منخليهاش تتحمر غير شوي برك و نقلب لازم تكون نص طياب كي طيب نحطها في منديل و داخل لكيس باه ما تنشفش.

روحو للحشو: نقطع لبصلة مربعات صغار و نحطو يتقلى في مقلاة كبيرة و كي يتقلى ندزو في طرف تاع لمقلى و نضيف لحم و متبلو و شوي زيت و نخلبه يتقلى و نخلط و نفتت باه ما يطيبش معجن كي يطيب نضيفلو شوي صوص طوماط و دبشة و نخلط.

و بالنسبة للصلصة : نخلط مايوناز مع دبشة و هريسة و صوص طوماط و نجيب خبزة طاكوس ندهنها بيه و نحط بطاطا مقلية و نزيد شوي جبن مبشور و نزيد الحشو و نزيد شريحة جبن و نغلق الطاكوسة و نحطها في صينية و نحط فوقها شوي جبن مبشور و نرجعها للفرن تكمل تتحمر كيما يحب لخاطر و هذا لي معندوش بانينوز لي عندو تفك 😰

ان شاء الله تنال اعجابكم حبيباتي اضفت شووي تغيير فقط في لحشو كل واحد وش متوفر عندو مي لخبزة نفس الخطوات رييسك مكانش معاها كمية هاذي خرجتلي 12 حبة. قدمتو مع جاري ااااش جاب طاكوس لييه 😂