نسلق المكرونه في ماء مغلي مملح بملعقة ملح صغيرة لمدة لا تقل عن ٢٠ دقيقة عايزها ناعمة اوي ولما تستوي نصفيها بس من غير شطف

نحضر حله ونضيف فيها الزيت لما يسخن انزل عليه البصله المبشورة وااقلب يدوب تحمر انزل عليها البهارات ما عدا مكعب المرقه والملح وبعدين انزل اللحمة عليه وااقلب علشان متكتلش وبعدين اضيف نص كوب ماء اول مايغلي اهدي النار واغطي الحله

نحضر حلة وسط واضيف فيها اللبن والبشاميل بتاعي وااقلب كويس

وبعدين ارفعة علي النار اضيف مكعب المرقة مع التحريك لحد ما يتخن اطفي عليه واسيبة يهدي شويه اول مايهدي اكسر علية البيضة وارشها بملح وفلفل اسود وااقلب البشاميل كويس

اشوف العصاج بتاعي اول ما يستوي املحة تقريبا ب٣ م/ص ملح ورشة شطة حسب الرغبه.

نحضر صنيه وابطنها بمغرفة بشاميل.

انزل المكرونه في حله واضيف مغرفتين بشاميل علي المكرونة قبل ما اضيفلها البيضة

اضيف نصف كمية المكرونه وبعدين اضيف عصاج اللحمه وبعدين انزل النصف الباقي وبعدين اضيف البشاميل.

احطها علي الرف اللي تحت في فرن متسخن قبل ٥ دقايق علي درجة حرارة ٢٠٠ لو الفرن اللي عندك حامي خليها علي ١٨٠ لمدة ساعه

اول ما وشها يشد ويبدأ يصفر اضيف القشطة وافردها علي وش الصنية بهدوء وبعدين احطها علي الرف الأوسط وارفع النار علي ٢٦٠ مده من ١٠ دقايق لربع ساعة لحد وشها مايحمر

🌹 وبألف هنا 🌹😋