सर्वात प्रथम कूकरची शिट्टी काढून कूकर मंद गॅसवर गरम करय ठेवा. १ कप बेसन पिठ,२ चमचे रवा,२ लहान चमचे साखर, आले मिरची पेस्ट, १ चमचा लिंबाचा रस, १ चमचा तेल, चवीपुरते मीठ हे सर्व साहित्य एकत्र करा. त्यात पाव कप दही घाला. मिश्रणात २ टिस्पून इनो घालून एकाच दिशेने हलवत रहा.

मिश्रण फसफसायला लागले कि तेल लावलेल्या कूकरच्या भांड्यात ओतून घ्या. भांडे प्रीहिट केलेल्या कूकरमध्ये ठेवा. १५ मिनिटे ढोकळ्याचे मिश्रण वाफवून घ्या.

जोवर ढोकळा तयार होतोय तोवर फोडणी तयार करू घ्यावी. लहानश्या कढल्यात किंवा लोखंडी पळीत १-२ चमचे तेल गरम करावे. त्यात मोहोरी, २ बारीक चिरलेल्या हिरव्या मिरच्या, १/२ लहान चमचा हिंग घालून फोडणी तयार करावी. फोडणी किंचीत कोमट होवू द्या. एका वाटीत २ चमचे पाणी, १ चमचा लिंबाचा रस, १ लहान चमचा साखर यांचे मिश्रण तयार करा.

एका वाटीत २ चमचे पाणी, १ चमचा लिंबाचा रस, १ लहान चमचा साखर यांचे मिश्रण तयार करा.. हे मिश्रण फोडणीत घाला.

१५ मिनीटांनी गॅस बंद करा. १-२ मिनीटांनी भांडे बाहेर काढा. ढोकळा जरा गार झाला कि सुरीने कापून घ्यावा. त्यावर तयार केलेली फोडणी चमच्याने पसरवा.