प्रथम चित्रात दाखविल्याप्रमाणे सगळे साहित्य घ्यावे. आता सोडे गरम पाण्यात १० मिनिटे भिजवून घ्यावेत व नंतर स्वच्छ धुवून घ्यावे. दुसरीकडे खिचडीसाठी पाणी गरम करत ठेवावे.

आता एका कढईमध्ये तेल घेवून ते गरम झाल्यावर त्यात आधी हिरवे वाटण घालून छान परतून घ्यावे. आता त्यात चिरलेला कांदा,सोडे, हळद, धणे पूड, वाडवळी मसाला घालून व्यवस्थित एकजीव करून घ्यावे.त्यात भिजवलेला तांदूळ घालून नीट परतवून घ्यावा. त्यात चवीनुसार मीठ घालावे.

आता त्यात गरम केलेले पाणी घालून नीट ढवळून घ्यावे. मध्यम आचेवर खिचडी शिजवून घ्यावी. शेवटी त्यात एक चमचाभर साजूक तूप टाकावे. (जेणेकरून खिचडी कोरडी होत नाही). वरून कोथिंबीर घालावी.

गरमागरम सोड्याची खिचडी तय्यार... कांदा -लिंबासोबत सर्व्ह करावी.
सोलकढी सोबत किंवा नुसती देखील खायला अगदी चमचमीत लागते.