ننضف الدجاج جيداً ونسلقه مع وضع بهارات الكبسه الخشنه ولفلفل الاسود ولهيل

بنقطع الفليفله والبصل معاً ونقليهم على الغاز بس يدبلو بنكون ناقعين الرز ٤ كاسات بنحط فوق الفليفله ولبصل صلصة بندوره حسب الرغبه وبنقلبهم مع بعض بعدين بندب الرز فوقيهم وبنحط عليه بهارات الكبسه الناعمه ومكعب الماجي وملح حسب الرغبه وبكون استوى الجاج بنضيف مرقة الدجاج وبنتركهم حتى يستوو لما يستوو بنحطو بصحن التقديم مع الدجاج واللوز للزينه.. وصحتين وعافيه...

لعمل صلصلة الدجاج بنحط الزعتر بجاط او صحن وبندق التومه ولفلفل مع بعض وبنضيفهم وبنحط صلصله ونصف ليمونه وشوية زيت قلي وشوي من مرقة الدجاج وبنخلطهم مع بعض وبندهم على الدجاج بعدين بنحمرو بالفرن.... انا ماكان عندي زعتر سويت الخلطه بدونو بس مع زعتر كتييير اطيب...

ملاحظه ممكن استخدام الخلطه واكلها مع رز الكبسه متل الصوص يعني كتير زاكيه😋😋