إفتح في تطبيق كوكبادالخطوات
- 1
منغسل اللحمة منيح منيح منحطها بطنجره الضغط وعليها ماء ساخن منخليها تغلي غلوه ومنشيل الزفر عن الوجه (الماده البيضاء مثل الرغوه)
- 2
منحط المطيبات بطنجرة اللحمة (الهيل ،ورق غار ، اعواد القرفه) ومنقشر بصلة صغيرة ومتل مهي منحطها، ومنضغط الطنجره ولتصفر منعين وقت من 15 ل 20 دقيقه على نار هاديه
- 3
مننقع الرز العادي (المصري، حبة قصيره) بماء فاتر لمدة 10 دقائق وبهاد الوقت منقشر البطاطا والجزر والثوم
- 4
منقطع البطاطا عريضه والجزر دوائر ومنقليهم ليصير لونهم أشقر ومنصفيهم من الزيت ، ومندق الثوم ومنحطهم على جنب
- 5
بس تستوي اللحمة منفتح الطنجره (انتبهو من البخار واستنوها لتنفس) ، منضيف الملح حسب الرغبه ونص ملعقة صغيرة من كل (الفلفل ،بهار لحمة ، زنجبيل مطحون) ومعلقه كركم عشان اللون
- 6
منحركهم منيح ومنشيل اللحمة من المرق ، منصف اللحمة بطنجره (يفضل تكون حجمها مناسب للمكونات وطويلة ، ما تكون واسعه كتير) عشان لتقلبوها تطلع مرتبه متل القالب
- 7
اول طبقة لحمة وبعدين البطاطا منوزعها وبعدين الجزر واخر شي الثوم ومنصفي المرق ومنغمرهم ليكونو مبينين الخضار (ما تكتري مرق بهاي المرحله)
- 8
ملاحظه؛ لازم يكون المرق ملحه زياده شوي عشان الخضار والارز مش مملح
- 9
منصفي الارز ومنحط عليه الارز البسمتي (الحبه الطويلة) ومنغسلهم منيح ومنضيفهم فوق الخضار (منفرد الارز بشكل مرتب) بالطنجره ومنضيف عليهم باقي المرق بالتديج شوي شوي
- 10
منغمر الارز بالمرق كامل لحد 2 سانتي تقريبا فوق الارز
- 11
منغطي الطنجره ومنتركها على نار هاديه 10 دقائق ومنفحصها اذا نشفت بواسطة السكين او الشوكه (منغز الشوكه بالنص اذا طلعت عليها ماء منتركها تتنشف منيح ومنطفي تحتها بس تنشف)
- 12
منتركها ترتاح شوي ومنقلبها على صينية واسعه ومنزينها باللوز المحمص ، وألف صحة وهنا 🌸
كلمات ذات صلة
وصفات مشابهة
وصفات ننصحك بمشاهدتها
التعليقات (3)