السمنه تكون جامده مش سائله بحراره الغرفه... بوعاء نضع السمنه والسكر والفانيلا ونخفق بالخفاقه الكهربائيه او بالعجانه حتى يصير خليط كريمي ابيض وناعم مدة الخفق من ٥ _ ٦ دقائق هاد سر حتى تطلع بتذوب ذوب بضيف الطحين بالتدريج حتى تتكون عندي عجين ما بتلزق وببتكور بدون تشققات.. بغطيها وبدخلها الثلاجه ربع ساعة وبشتغل فيها

بكورها كرات صغير بخليها كره ابدا ما بضغط عليها بخليها مثل الطابه مدوره بحطها بصنيه غير لاسقه او تحتها ورق زبده الصنيه ما بتندهن ابدا برتب كرات الغريبه وبحط حبة فستق حلبي بالنص بضغط بحيث تدخل حبة الفستق الحلبي... الشكل الثاني بعمل رول بالطول وبالسكينه بقص بميل شوي بالسيكينه حتى يعطيني شكل حلو... شكل s بعمل شكل اصبع صغير كتير وبلفها على شكل حرف S وبحط فستق حلبي

الخبز مهم جداا... الفرن يكون حامي قبل ٢٠ دقيقه على حراره ١٨٠ بدخل الصنيه على رف الحديد فوق صاج النار ما لازم تكون قريبه الصنيه حتى ما تنحرق الغريبه وتستوي بتاخد وقت من ١٥_ ٢٠ دقيقه ما لازم تتحمر بس تاخد لون اشقر جدا فاتح وما بحمر الوجه... وبس تبرد بيشلها من الصنيه اذا شلتها وهيه ساخنه بتتفتفت

سر مهم جدا... بالصيف ما بطلع كل كميه الغريبه من الثلاجه جزء فقط يلي بدي اشتغل في لانه الغريبه بدها مكان بارد ومن أسباب فشل الغريبه بتكوني طلعتي كل العجين من الثلاجه واشتغلتي فيها وعند الخبز الحبه بتفرش بالفرن وبتصير رقيقه... بالشتاء عادي لو طلعتيها وشتغلتي فيها مره وحده بس بمكان بارد مش عند صوبه او تكيف حتى الحبه ضل مثل ما هيه وما يتغير شكلها

هاي كل أسرار نجاح الغريبه وتطله مثل اشهر المحلات... يلي بحب الغريبه تقرش ما ينخل السكر ويخلي شوي خشن مش كتير بس شوي هيك بتطلع تقرش واذا بدكم حمرو الوجه حسب الرغبه

تابعوني على قناتي على اليوتيوب بتشرف فيكم وياريت دعمكم لايك واشتراك بالقناة اسم القناه ((مطبخ ام يحيى الصراوي))