اول طبقة رح تكون البراونيز او تحبو ديرو العكس في إناء نخلط البيض والسكر والفانيلا جيداً بواسطة باتور او بالمضرب اليدوي،نخلط المكسرات مع الفرينة ونضيفهم ونخلط غير بالشوية مالتحت للفوق

في كسرونة نذوبو الشوكولاتة مع الزبدة بعد لي يذوبو نضيفو الكاكاو ونخلط حتى يختفي تماما نضيفهم فوق الخليط الاول ونحرك جيداً ثم نفرغ البراونيز في قالب كنت فرشتلو ورق الطهي ونخليه بجيه

هنا رح نوجدو طبقة الكوكيز في إناء نخلط الزبدة والسكر والبيض جيداً ثم نضيف الفانيليا وقرصة ملح نغربل الفرينة ونضيفها ونخلط جيداً ثم نضيفو شوكولاته بيبيت انا مكانتش عندي درت شوكولاته عادية وقطعتها ضفتها للعجينة

هنا نجيو نحاولو نحطو طبقة الكوكيز فوق البراونيز ناخذو قطعة ونمددها بواسطة كف اليد فقط ونحطها فوق البراونيز وهكذا حتى نكمل كامل لعجينة ندخلها للفرن حتى يتحمرو الاطراف ثم نشعل عليها مالفوق تأخذ اللون الذهبي ونخرجوها نخلوها تبرد ونقطعوها ونقدموها ذوقها اكثر من راااااائع