للعجينة اولا في وعاء نضع كمية الزبدة تكون بي حرارة الغرفة مع حبة بيض مع السكر الناعم مع لفاني ونحرك مليح ثم نبدأ في اضافة الفرينة مع الخميرة ونطم العجينة تكون طرية متيبسهاش في طاولة العمل نحط صاشي ونرشو بي الفرينة ونبدا نفتح كمية من العجينة بواسطة المدلك بسمك نصف سنتمتر ونحضر طبيسيات نتاع لتاخت نرفد العجينة بواصطة الصاشي

ونحطو فوق طبيسبات ونضغط بليد على كل طبسي ونحي العجينة الزائد وبي الاصابع نعدل الاطراف باش تمدنا شكل شباب وبفرشيطة نثقب اصفل الطبسيات باش متطلعش العجينة في الفرن

نفرغها في سحن ونغطيها جيدا بي صاشي يكون لاصق في الكريمة باش متيبسش ملفوق ونحطوها تبرد في الثلاجة وكتبرد نوجد. كريم شونتيي نصف كاس غبرة شونتيي بربع كاس ماء بارد جدا ونخفقها بلباتور

تولي كريمة الشونتيي ثقيلة نجبد. كرمة الليمون بعد ما بردت نحطها في غيسبيو ونضربها بلباتور باش تولي كرام نلقاوها جامده منبعد نزيدو. نضيفو كريمة الشونتيي ونخفق حتى نكمل كمية كريم شونتيي وتتجانس الكريمتين مع بعض نعمراها في لبوش كيس حلواني ونعمر بيها لتارت