كيلو لبن (رايب) يكون حامض أفضل، كل كيلو لبن بدها معلقه صغيره ملح.. معلقه صغيره زيت زيتون بحطهم بشال او قطعة قماش نضيف تكون زي الشاش ملمسها وبربطها وبعلقها على ايد خزانة المطبخ وبحط تحتها صحن حتى تنقط بتركها ٣ ايام اما بالصيف يومين...

بحطها زي ما هيه ما بفتح عليها بحطها لليله كامله بالثلاجه ثاني يوم بفتح عليها.. بدهن ايدي شويت زيت وبكورها وبحطها بمرتبان في زيت زيتون..

انا حطيت على جزء زعتر اخضر ناشف وجزء قزحه (حبة البركة) وبعجنها وبكورهم وبحطهم بالزيت وبتركهم بره الثلاجه وصحه وعافيه ملاحظة المرتبان لازم يكون ناشف ما في نقطة مي حتى البنه ما تفرط. اذا فرطت البنه بكون فيها نسبة مي