بمقلاه غير لاصقه على نار هاديه... بحط كاسه كبيره حليب بودره بضل احرك ما بوقف تحريك حتى ما ينحرق حتى يصير الحليب اشقر بحط الحليب بوعاء عميق

بحمص كاستين كبار شوفان حتى يصير اشقر. بحمص كاسه كبيره بسكوت مطحون ناعم كتير. بحمص كاسه كبيره جوز الهند حتى يصير اشقر. بحطهم كلهم فوق بعض بحط كاسه كبيره حليب مكثف محلى عملتو بالبيت ممكن تحتاجي اكثر او اقل حتى تصير عندي عجينه سهلة الشكيل وما بتتشقق بكورهم كرات انا حشيتهم كاجو مش محمص طحنت فستق حلبي ناعم كتير وبسكوت طحنتو ناعم كتير

بقلب الحبه بالفستق والبسكوت المطحون وبحطها بالصحن وبدخلها الثلاجه ساعه وبقدمه الطعم تحفه👌ممكن تزيد الحلاوه تحطي سكر بودره معلقتين كبار يلي بحبو حلو لانه هوه بالاساس مش كتير حلو حلاوته خفيفه وصحه وعافيه 😍طريقه الحليب المكثف المحلى نزلتها على الصفحه بالوصفات❤️