#كشك_صعيدى اتكلمنا قبل كداعن تاريخ المطخ المصري في عصرالفراعنه وفي العصراليونانى الرومانى.انهارده هنتكلم عن المطبخ المصري بعد الفتح العربي.يقال ان الجنود اللي دخلوا مصر كانوا منبهرين بتنوع نظامها الغذائى ودا طبعاً لانهم كانوا بيقارنوه بالنظام البدوى البسيط اللي كانو متعودين عليه.وبعد دخول العرب حكم مصرمجموعة من الدول والخلفاء مفيش اي حد تعرض للجوع او الخوف على قوت يومه في عهدهم ماعدا في فترة المجاعة.مثلااحمد بن طولون كان مشهوربتدينه وكرمه وكان من ضمن العادات الحريص عليها توزيع وجبات في اوانى فخارية يوميا على العامة.لكن في عهدحفيده خمارويه اللي اشتهر بالبذخ االشديد كان طباخين الحرامليك بيقوموا ببيع الفائض من مطبخ الحرامليك على باب القصر ,لانهم كانوا بيعملوا كميات اكل كبيرة,ومن هنا بدء المصريين يتعودوا على فكرةالاكل السريع والجاهز.وبعد الدولة الطولونية بدئت الدولة الفاطمية اللي معروفه ببذخها المبلاغ فيه . الفاطميين اسسوا القاهرة وبدء يتوافدعليها الناس من جميع الاعراق والبلاد ودا طبعاً زود التنوع الغذائى فيها.وكان من تقاليد الفاطميين توزيع الطعام على العامة واقامة الحفلات المليئه بالاطعمه حتى انه بيقال انهم كانوا بيرصوا الاطباق فوق بعض لحد ما توصل لطول الانسان.كمان من عاداتهم بالذات في المناسبات الدينية عمل قصرين من السكر ووضعهم امام قصر الحاكم وتزيينهم بتماثيل من السكرومن هنا غالبا جت فكرة عروسةالمولد في المولد النبوى .

بعد الدولة الفاطمية بدءت الدولة الايوبية اللي تميزت بالتشدد فطبعا معجبهاش الحال اللي كان موجود في الدولة الفاطمية ,فطردوا اشهرطباخات القصر.الطباخات الشهيرات بعد طردهم قاموا بفتح مطاعم خاصة بيهم في القاهرة ,خصوصا ان الناس كانت اتعودت على الاكل اللذيذ السريع