تحضير الحشو :-- في طاسه ننزل الزيت يسخن ننزل عليه الفراخ تتشوح ونطلعها على جنب وننزل البصل وننزل عليهم الملح والفلفل الاسود لحد مايدبل وننزل عليه الفلفل والطماطم ونقلبهم كويس وبعدها ننزل عليهم الفراخ ونسيبهم حوالي 5 دقائق دقائق على النار ونقفل عنهم.

نحضر البشاميل :---- ننزل الزبده وننزل عليها الدقيق ونقلب كويس وننزل عليهم باللبن والماء الساخن وننزل الملح والفلفل الاسود ونقلب كويس جداً وننزل الجبنة المثلثات والرومى والشيدر ونقلبهم لحد ماتتقل شويه ونقفل عنها.

نحضر الصينيه:---ندهنها بشويه زيت ونقلب المعكرونه المسلوقه بشويه بشاميل ونقسم المعكرونه نصين ونرص النص الاول وننزل عليه الحشو ونحط عليها الزيتون وشويه جبنة شيدر ورومى وننزل بالنص التاني ونساويه كويس.

وننزل عليهم بالبشاميل تتغطى كلها كويس ونرش على الوجه الجبنة الموتزاريلا ونكسر البيض ونقلبه في ملح وفلفل اسود وشويه لبن صغيرين ونوزعه كويس على الوجه

وندخلها الفرن درجة الحرارة حوالي 200° هتاخد حوالي 40دقيقه وبس كدا وصحه وعافيه 🍽️🍽️🍽️🍴