نضع الماء، الحليب، السكر، خميرة الخبز، مبشور الليمون و2 كؤوس فرينة، نخلطهم جيدا و نغطيهم بورق شفاف لمدة 5 إلى 10 دقائق.

نضيف البيضة الكاملة، الزيت، عطر الفانيلا، و الملح و نخلط جيدا حتى يتجانس الخليط، نضيف الفرينة و الخميرة الكيميائيّة بالتدريج حتى نتحصل على عجينة طرية ندلكها قليلا فوق طاولة العمل، نغطيها و نخليها تختمر.

بعدما تختمر نقطعها إلى 10 كويرات متساوية الحجم نغطيهم و نبدا العمل.

ندهن طاولة العمل بقليل من الزيت، نبسط العجينة بسمك خشن نضع الحشو حوالي نصف م ك ونمشيها بشكل طولي، نغلق الأطراف جيدا و نضعها في صينية مفروشة بورق الطهي.

نخلط صفار البيض، عطر الفانيلا والحليب، ندهن حبات البريوش وندخلهم فرن مسخن مسبقا على درجة 180

بعدما ينضج البريوش و ياخذ اللون نغطيه مباشرة و هو سخون بقطعة قماش نظيفة حتى يبرد تماما، ندهنو بقليل من العسل و نرش فوقه السكر الناعم و نقدمه مع قهوة العصر.