‎طريقة العجين: في بولة نضع ٢ كوب من الدقيق مع ٢ كوب المياه الدافية عليهم اللبن البودرة والخميرة والسكر ونقلبهم لحد ما تبقي عجينة سايلة ونغطيهم نصف ساعة

وبعد كدة نجيب العجين ونحط عليهم باقي الدقيق والزيت ورشة الملح ونعجن حوالي ٧ دقايق ونغطيها ونسيبها نصف ساعة

‎وبعد ما تخمر العجين نعملها كلها كور صغيرة قد بعض ونجيب كل واحدة ونفتحها من النص ونحط الحشوة انا حطيت جبنة كيري وزيتون ونقفلها كويس ونعمل كدة في كل الكمية ونحطها في الصينية اللي هنخبز فيها ونسيبها تخمر نصف ساعة

وبعد كدة ندهنها براحة ونرش عليها السمسم وندخلها الفرن علي درجة حرارة ١٨٠ ونشغل الفرن تحت بس لحد ما تستوي وبعد كدة نشغل فوق تحمر وتاخد لون ونطلعها نسيبها تهدي ونطلعها من الصينية وبالهنا والشفا..

ممكن تضيفي عالوش وهي سخنه حليب مكثف محلي بيكون تحفه 👌🏻❤️