نرحي البصل وندير معاه حبة لفت كبيرة مسكرفجة ونقليهم في شوية زيت وشوية زبدة نضيف الملح والتوابل والدجاج ونخليهم يتقلاو مليح ونمرق بماء سخون ونخليها تطيب ونضيف الجزر والحميصة.

في جفنة تفتح الرشتة ونديرها شوية زيت ونشرها بالماء تخليها تتشرب مليح ونفورها المرة الأولى وبعدوما تفور نحطها في الجفنة وندير مغرف صغيرة ملح ونرشها بالمرق ونخيها تتشرب ونفورها المرة الثانية.ونحط اللفت والكوسة والحمص (انا مطيبتو من قبل) ونخليهم يكملو الطياب.

وبعد ما فارت الرشتة نديرلها شوية زبدة وتزين بالخضر والحمص والبيض والدجاج كنت حمرتو فالمقلة بشوية زيت وزبدة وبالصحة والعافية