في غيسبيو نحط كمية من الزيت حوالي فنجال مع ملح حوالي ملعقة كبيرة مع خمس فصوص ثوم غابي مع فلفل اسود مع راس الحنوت ولا خليط الدجاج مع. كمية من الزعيترا محكوكة مع عصير نصف حبة ليمون. نحرك الخليط مليح منبعد نحط قطع الدجاج فيه ونرمدو كامل ونخلوه شوية يتشرب التتبيلة.

نجبد لبلا من لكوشة ونعصر عليه نصف حبة 🍋 ليمون ونعاود ندخلو في الفرن غير تشرب العصير نجبدوه وندهن كامل الدجاج بي الزبدة ونهبط لبلا للاسفل في الفرن ونخلوه حتي يحمار ونحيه

في قدر نحط كمية الجلبانة مع نصف حبة بصل مقطع صغير مع لجناح ولعنق نتاع الدجاج ولفلفل الاسود وزيت والملح وغصن زعيترا ونحطها فوق النار هادية ونخليها تجمر مليح نقي حبة الجزر ونقطعها قطع صغيرة ونحطها في القدر تجمع مع باقي المكونات منبعد نضيف كمية كاس ماء ونخليها طيب ونطفي ععليها.

نقي حبات البطاطة وقطعيها فريت وقليها منبعد ضيفيها في القدر. وخليها تشرب لصوص

في صحن التقديم فرغي الطاجين نتاع الجلبانة وحطي فوقو الدجاج المحمر وقدميه شهية طيبة للجميع