هنضيف كوباية اللبن عليه اول ما هنضيف كوباية اللبن هنلاقي السكر نشف متقلقيش خالص خليكي سايباه علي النار الهادية وافضلي قلبي لحد ما الكسر يدوب تاني

هنسيبه السكر يبرد ونروح نحضر عجينة البسبوسة. هنحط كل المكونات الجافة علي بعضها ونقلبها كويس بعدين نجيب السمنة وبأطراف صوابعنا نبتدى نبسها لحد ما السمنة تبقا في العجينة كلها

بعد ما نتأكد ان السكر برد نجيب العجينة ونحطها عليه ونقلبها براحة لحد ما يتجانس كله مع بعضه

وندخلها الفرن مبتفتحيش عليها غير بعد ربع ساعة هي مش هتاخد اكتر من تلت ساعة في الفرن

وهي في الفرن نروح نحضر الشربات نحط السكر والماية ونسيبهم لحد مايدوبو واول ما يغلي نحط معلقة الفانيليا والليمونة والعسل ونسيبه شوية ونطفي عليه لان البسبوسة بتحب الشربات خفيف واول ما نطلعها من الفرن ننزل عليها بالشربات وهو سخن ومتقطعهاش غير لما تبرد خالص عشان متتقطعش منك وبألف هنا. ❤❤