સૌથી પહેલા મરચા ને ધોઈ ઊભા કાપા કરી બિય કાઢી લો. એમાં થોડું થોડું મીઠું ભરી ત્રણ ચાર કલાક રહેવા દેવા જેથી મરચા પોચા થશે અને તીખાશ નીકળી જશે.

બટાકા નું મિશ્રણ બનાવવા માટે વગાર કરવો. તેલ ગરમ થાય એટલે તેમાં જીરું, હિંગ, લીમડો, તલ, વરિયાળી નાખો હલાવો. તેમાં આદુ મરચા ની પેસ્ટ, જીની સમારેલી ડુંગળી ઉમેરી સેજ વાર હલાવવું. ડુંગળી નો કલર બદલાય એટલે ગેસ બંધ કરી ને ક્રશ કરેલા બટાકા ઉમેરો. હવે તેમાં મીઠું, લીંબુ નો રસ, ખાંડ, હળદર અને ગરમ મસાલો ઉમેરી બધું મિક્સ કરી લેવું.

હવે આ મિશ્રણ ને મીઠા વાળા મરચા માં ભરી લેવું. ત્યાર બાદ ચણાના લોટ નું ખીરું બનાવવા ચણા ના લોટ માં મીઠું, એક ચમચી ખાંડ, મીઠો સોડા નાખી ખીરું બનાવી લેવું.

પછી તળવા માટે તેલ ગરમ કરવા મૂકો. તેલ ગરમ થાય એટલે ખિરા માં ભરેલા મરચા બોળી તળી લેવા.