સૌ પ્રથમ લીલી તુવેર ના દાણા ને એક તપેલી માં લઈ મીઠું અને પાણી રેડી બાફી લેવા.

દાણા બફાઈ જાય એટલે પાણી નીતારીં ને સહેજ સહેજ પ્રેશર સ્ટેન્ડ થી દબાવી લેવા.

હવે છાશ ની અંદર ચણા નો લોટ નાખી બરાબર વલોવી લેવુ.

પછી એક તપેલી માં ઘી અને તેલ નાખી ગેસ ઉપર મધ્યમ તાપે મુકવું.ગરમ થઈ જાય એટલે તેમાં તજ-લવીંગ નાખવાં.પછી રાઈ,જીરૂ,હીંગ અને લીમડી ના પાન નાખી વઘાર કરવો.

વઘાર થઇ જાય એટલે તેમાં લોટ વલોવી ને તૈયાર કરેલી છાશ નાખવી.અને ગેસ ફાસ્ટ કરી પછી તેમાં આદુ-મરચાં ની પેસ્ટ, ધાણાજીરુ પાઉડર, મીઠું અને ખાંડ નાખવી.અને ઉભરો આવે ત્યાં સુધી ચમચાં થી હલાવતા રહેવું.

ઉભરો આવે એટલે તેમાં પીસેલા લીલવા નાખવાં અને પાંચ મિનીટ ધીમો ગેસ કરી ઉકાળી લીલા ધાણા નાખી ગેસ બંધ કરી દેવો.