اولا نقوم بتحضير عجينة المخبز في وعاء نضع اللوز او الكاوكا ونضيف السكر الناعم والفانيليا ونخلط الكل من بعد نضيف رشة ملح والمربى ونخلط الكل من بعد نفتح حبة البيض مع عصير الليمون ونبدا نطم بيها العجينة ونضيف بالشوي حتى نتحصل على عجينة طرية نغطيها بكيس بلاستيكي ونخليها ترتاح

بعد ماترتاح العجينة نفتحها بالحلال سمك يكون عالي شوي ونطبعها بالمول تاع لمخبز ونحطها في صينية الفرن وندخلها طيب مدة عشرة دقائق ونخرجها ونخليها جانبا تبرد

نسخن العسل ونغمس فيه حبات المخبز ونخرجهم ونحطهم جانبا

تحضير لڨلاصاج في وعاء نحط السوائل ونخلطهم ونضيف كمية من الملون ونبدا نضيف في سكر ناعم ونخلط بواسطة ملعقة خشبية حتى نتحصل على قوام ثقيل ودرجة اللون حسب الرغبة

نجيب حبات المخبز ونبدا نڨلاصي فيهم بالوحدة ونحط عليهم اساور الشوكولاته ونلصق الدبدوب بالقليل من الشوكولاته البيضاء فوق الاساور