انا مكتبتش كميات في المكونات لان دى حسب رغبتك انتي عايزة تزودى تنقصي حسب رغبتك. 👍🏼

نجيب السمك ونكون منضفينه كويس او منضفينه عند الراجل و نفتحه من ظهره فتحة صغيرة و نرش عليه حبة ملح ونبتدي نحضر الحشوة. نجيب ثوم وفلفل اخضر وكمون وملح وحبة شطة صغيرين ونحطهم في الكابة نفرمهم كويس ونكون بشرين بصلاية وطماطماية ونجيب الثوم ال فرمناه ونحطه البصل والطماطم ونقلبهم كويس نبتدي بقا نحشي السمكة من بطنها ومن الفتحة ال في الظهر ونفوض حبة صغيرين من الحشوة عشان هنحطهم مع الصينية.

نقشر البطاطس ونقطعها شرايح ونجيب صينية فيها حبة زيت ونبتدي نرص البطاطس من تحت ونجيب البصل متقطع شرايح وفلفل متقطع شرايح ونرصهم بعدين نحط السمك فوقيهم.

نروح علخلاط نضرب حبة طماطم عليهم حبة ملح وكمون وعليهم حبة الخلطة ال فوضناهم من الحشوة ونبتدي نحطهم علي صينية السمك ونرش حبة ملح وكمون علوش ونجيب ليمون نعصره علي السمك ونقطعة شرايح عليه ونجيب الخضرة ونقطعها ونغسلها كويس ونحطها علوش.

نروح نحطها حبة علي نار البوتاجاز من فوق لحد ما البطاطس تخش في السوا هي والسمك نروح مدخلينهم الفرن يكمل سواه ويحمر من فوق شوية.

وصحة وعافية 😋❤