بسم الله في طاس الخلاط نضع البيض رشة الملح السكر ومنكه البرتقال انا خدمتو فالدار ونخلط حتى يذوب السكر منبعد نزيد علبة الياؤورت ونخلط ونزيد الفرينة كيس الخميرة ونخلط حتى نتحصلو على خليط متجانس

والى تحب تشربها بكاس حليب بارد وهي فالمول وتزينها بالشكولاطة او المعجون والكاوكاو او نواد كوكو او دريلها صوص الشكولاطة او تقسميها على 2 او 3 وتخدميها كطورطة تشربيها وتمونتيها بالشكل الى تحبي انا شربتها بعصير البرتقال وخدمت موس البرتقال زينتها

كريمة البرتقال او موس البرتقال كاس عصير البرتقال مع النشاء السكر منكه البرتقال نخلط ونحطهم هلى النار حتى تثقال نحيها من الگسرونة في صحن وغطيتها بورق الشفاف وخليتها فالثلاجة حتى بردت مليح بعد ما بردت

ضفتلها 2 ملاعق كبار غبرة الشونتي وخلطها مليح حتى نتحصل على كريمة متماسكة وخفيفة مثل لاموس

وتزيني كيما تحبي انا حبيت نفرح ولادي فقط ولاكن دائما التزيين يكون اما بالشكولاطة او المعجون فقط وتقدميها بالصحة والعافية