اول حاجة هنعجن العجين عادى خالص دقيق وملح وسكر وماء دافئ كل دة مع بعض ونسبها ترتاح ساعة وكل ما ترتاح اكتر هتتفرد معانا كويس او ما ترتاح هعملها كور واسبها ترتاح تانى

نيجى بقة فى اهم خطوه ودية الوصفة بتاعتنا اللى هتخلى الفطير المشلتت سهل والبيتزا الشرقي سهلة هنجيب كوره من الكور بتاعتنا ونفردها مش لازم تكون شفاف تتفرد كويس بس واجيب سكينة واعمل شرايط فى عجين زى فى الصوره كدة ومن الجنبين وموصلش لنص العجين من الطرفين كل طرف ٤ فتحات

بعد كدة اجيب اول طرفين واقفلهم على بعض واحط بينهم سمنة واجيب الطرفين على العجين واقفل الاتنين التانين لحد ما تخلص كلها زى فى الصور وانا طبعا بدهن بين كل لفتين سمن

بعد كدة احشيها بحشوه اللى عندك وتحطى طماطم وفلفل زيتون ومتزرله

بعد كدة ادهن البيتزا بتاعتى بيض علية رشة ملح وفلفل واحط على الوش الطماطم وفلفل وزيتون وادخلهم الفرن من تحت الاول وفى نص التسوية احط الموتزاريلا وأشغل الفرن من فوق

الف هنا عليكم🥰🥰

ملاحوظة لو هنعمل فطير مشلتت هنكتفى ب المرحلة الاولة بس هنجيب العجين وندهن الأرضية ب سمن او زبدة وبتكون بحرارة المطبخ علشان نعرف نفردها بعد ما نعمل الطبقات ونعملها كوره اسبها ترتاح ه دقائق وبعد كدة أفردها فى صنية تكون فطير مشلتت من كوره واحدة و ٨ طبقات زى الصوره كدة اسهل فطير مشلتت وأول ما تطلع من فرن ارش على الوجة ماء واغطيها علشان تكون طرية