إفتح في تطبيق كوكبادالخطوات
- 1
اول حاجه بقطع الزبده مكعبات صغيره و مهم جدا تكون جامده متكونش سايحه
- 2
بعدين بحط الزبده في العجانه ومعاها السكر يضربو سوا لحد ما لون الزبده يبقى ابيض و تكون كريمه
- 3
اول ما الزبده تتحول كريمه ببدا احط البيض واحده واحده مينفعش كلهم مره وحده يعني بضيف بيضه واستني تختفي في الخليط وابدا احط التانيه بعدها و بضيف الفانيلا قبل آخر بيضه
- 4
و لو حبه يكون بالبرتقال بضيف بدل الفانيلا اسينس برتقال و بدل اللبن عصير برتقال و شويه بشر برتقال بردو
- 5
بعد ما بحط كل البيض بضيف ال ٣ معالق الحليب
- 6
في بوله تانيه بكون حطه فيها الدقيق و بضيف عليها الخليط العملتو و بقلبهم بأيدي ماينفعش خالص يتخلطو في العجانه و مش بقلب كتير يادوب بس يتخلطو ببعض وبعدها بشكلو بكيس حلواني او مكنه البيتي فور
- 7
ولو البسكوت شوكولاته بشيل ١٠٠ جرام دقيق و بضيف مكانه كاكاو خام
- 8
و بياخد وقت في الفرن من ٧ ل ١٠ دقايق
- 9
وبالهنا وشفا 💕
كلمات ذات صلة
وصفات مشابهة
وصفات ننصحك بمشاهدتها
التعليقات