إفتح في تطبيق كوكبادالخطوات
- 1
باسم الله على بركة الله نحط الدقيق لملح والسكر ثم نضيف المرغرين بالتدريج ونبسس الدقيق تاعي ونبقى نحك بين يديا كما لمقروط. الغرس نكون حضرتو من قبل نقيتو وعجنتو باستعمال الماء بعد ما يولي طري نضيف شوي زيت باه ميبقاش يتلاصق
- 2
بعد ماتبسس الدقيق نبدا نضيف الحليب تدريجا حتى نكمل الكيلة كامل ونبقى ندخل فالحليب غير برؤوس الأصابع مانعجنش نلم العجين تاعي ثم نقسمو الى نصفين
- 3
نطرح النصف الأول ونخليه جانبا ثم نطرح الغرس ونحطو فوق العجين ثم نطرح النصف الآخر من العجين ونضيفو كذلك ونبقى نحل غالعجين تاعي حتى نتحصل على السمك المناسب مانرقش بزاف ومانخشنش بزاف، والحواف نعدلهم بيدي ثم نقص الشكل لي نحب
- 4
وطيبتو على الطاجين على نار متوسطة وشهية طيبة حبايبي وان شاء الله تدوم لمتنا
- 5
بالنسبة للطمينة: كيلة دقيق شوي خشين كيلت بلبوات تاع مرغرين500g نقليه حتى ياخذ اللون الذهبي على نار متوسطة، رشة ملح، نص كيلو المتبقي من الغرس مغرفة كبيرة مرغرين، فنجان حليب ونخلط الكل مع بعض ونعجن كما لكسرة تاع ليابس😁😁 حتى نتحصل على عجينة طرية ومتماسكة ، نلمها ثم نحلها بالحلال نخليها تبرد تماما ونقصها...براااافو انا
- 6
وهكذا درت طمينة ومبرجة بكيلو غرس فقط ورضيت افراد العايلة.. بصحتنا وبصحتكم وداامت لمتنا ولمتكم
وصفات مشابهة
وصفات ننصحك بمشاهدتها
التعليقات (4)