بسم الله جبت القمح غربلتو ونقيتو وغسلتو مليح حتى صفى الماء نتاعو منبعد درتو في كوكوط ودرت فيها الماء الدافى ورشة خفيفة من خميرة الحلويات ونغلق الكوكوط ونخليه ليلة كاملة غدوة باش نحضرو والطريقة هذي درتها لانو كنت مزروبة بصح تقدري ديريه من الصباح حتى للغدوة هذيك نحت الماء الى بات فيه القمح ودرتلو ماء نظيف قفلت عليه الكوكوط وحطيتو فوق نار ناقصة وكاين الى يديروه بالفريك تحبو ديرو القمح او الفريك

من بعد الغدوة لقيتو تنفخت الحبةالشكل راهو باين ومنبعد نصبتلو المرق نتاعو تقريبا كيما مرقة العيش او البركوكس نلوح كلش مع بعض ونزيد نصف كاس ماء ونحطهم على نار ناااقصة ونخليهم يتقلاو مليح انا ما درتش الزيت لانو لغليع فيه الشحمة ومنبعد مرقت بماء ساخن قفلت الكوكوط وخليتهم حتى طاب كلش

وزيد الشرشم ثاني طاب يسخف كيما تشوفو والمرقة ثاني طاب الفول والكليلة لخليع منبعد نخلط الشرشم مع المرق ونزيد الملح اذا ناقص ونزيد الماء الكافي ونخليهم الكل على نار متوسطة ونبقى نحرك ساعة على ساعة حتى تدخل المرقة فالشرشم ويتشرب من التوابل

ونزيدلو جواوات فلفل احمر حار حتى يطيب ويخثار الله يبارك بنين يهبل انا كنت هذي لحوايج كامل ما ناكلهمش بصح كي ذقتهم وليت نحبهم وبنان صح ومغديين خاصة فالبرد

ونقدمو بالصحة والعافية واسقاس امربوح امسعوذ يارب (عام مربوح سعيد)اممممممم والله بنين