सर्वप्रथम लवंग आणि दालचिनी घालून लिंबू पिळून मोकळा भात शिजवून घ्यावा. सर्व भाज्या बारीक चिरून घ्याव्यात. आता कढईमध्ये तेल घेऊन जिर्‍याची फोडणी घालून मिरची घालुन कांदा परतावा.

कांदा जरा झाल्यावर बटाटा, पत्ता कोबी व फुलकोबी,मटार दाणे घालून परतून घ्यावे. त्यानंतर आले लसूण पेस्ट,तिखट व मॅगी मसाला घालून एक-दोन मिनिटे या भाज्या शिजू द्याव्यात. त्यानंतर बारीक चिरलेला टोमॅटो घालून एक वाफ येऊ द्यावी.

आता सर्व भाज्या बर्‍यापैकी शिजलेल्या असतील.यानंतर मीठ ऍड करून शिजवलेला मोकळा भात व बीट घालून एक-दोन वेळा परतवून दोन मिनिटांसाठी झाकण ठेवावे,आपला झटपट रंगीला पुलाव तयार आहे. चिरलेली कोथिंबीर घालून गरमागरम सर्व्ह करावा.