منسلق الكوسا و تصفى و منتركها عجنب

منقلب البصلة بشوية زيت و منضيفلها اللحمة و البهار لحتى تنشف مية اللحمة

منضيف الفطر و الملح و منقلب لحنى يستوي الفطر

منبلش بتجهيز الباشميل

منحط السمنة و الطحين عنار هادية و منحركهم شوي

منضيف عليهم الحليب و منستمر بالتحريك لحتى يتقل الباشميل

منضيف الماجي و الفلفل و نصف كمية الجبنة و منتركه يغلي شوي عنار هادية مع التحريك الخفيف لحتى ما ينحرق

منشغل الفرن و منجهز الصينية

مندهن الصينية بشوية بشاميل

منصف طبقة كوسا و بعدها نصف كمية اللحمة و فوقها بشاميل و منكرر طبقة تانية كوسا و اللحمة فوقها و اخر شي بشاميل و منحط على وجها جبنة

مندخلها الفرن لتلت ساعة و بعدها منحمر وجها و بالعافية