بسم الله نبدأ... خفقت البيض مع الفانيلا والسكر كتييييير منيح

ضفت الحليب وخفقت وضفت الزيت تدريجي وخفقت

نخلت الطحين مع البيكنج باودر والكاكاو وضفت المزيج فوقه وحركت يدوي بالمشبك ودهنت قالب الكيك بالطحينة وصبيت المزيج

استغليت انه الجو بارد والصوبة شغالة وحطيت القالب فوق الصوبة ولمدة ساعة دخلت عود خشبي وطلعت نظيفة معناها انه الكيكة استوت

شربتها نسكافيه وتركتها تبرد وطبعا بالجو البارد ما طولت لحتى بردت هههه وزينها بالشوكولاتة والفراولة

يا أمي الطعم والهشاشة من الااااخر وصحتين وعافيه ♥️