بسم الله في اناء نضعو السميد مع الزيت وكل المكونات منبعد ندخلو الزيت مليح فاليميد حتى يتغطى كامل ونبداو نزيدو فالماء بالشوي حتى نتحصلو على عجينة طرية غير لاصقة

منبعد نشكل كرات انا الكمية السميد الى درتها خرجتلي خبزة كبيرة وحدة صغيرة وتقدري ديريهم في زوج صغار نقرصهم ونكون حطيت الطاجين الفخار نتاع الحبيبات (الحصبة) او طاجين لمسرح(نتاع البغرير) او طاجين نتاع لحديد (الطاوة) لكم الاختيار منبعد ما يكون سخن مليح نلوح الكسرة نتاعي ومانقلبهاش حتى طيب من الاسفل منبعد نقلبها ونخليها تزيد تتحمر ونقدمها مع اللبن او شربة فريك الله الله

وتقدم بالصحة والعافية انا قطعتها بالطريقة نتاع جداتي الله يرحمها وامي ربي يشفيها والحمد لله