الكيكه الهشه جداا
وداعا لفشل الكيك جربوا مش هتندموا😍
كل تكات الكيك الصح .
إفتح في تطبيق كوكبادالخطوات
- 1
اولا نشغل الفرن على حراره 180 ونبطن الصنيه بالسمنه انا مش ببطن بدقيق لقيت السمنه بس افضل كتير
- 2
فى الخلاط ننزل بالبيض ونضرب كويس وبعدين الفانيليا وبعدين السكر ونضرب كويس جدااا وبعدين ننزل بالخل ونضرب وبعدين ننزل بالزيت اهم حاجه الضرب ما يهمكومش من الضرب كل ما تضربي اكثر تاخدى نتيجه احسن وبعدين ننزل بمعلقه النشا ونضرب
- 3
وننزل الخليط فى بوله وبعدين الدقيق المنخول كويس جداااااا اكثر من مره كل ما تنخلى الدقيق تاخدى كيكه هشه اووى وننقص من الدقيق معلقه بدل النشا الى حطيناه فى الاول. وطبعا البودر مع الدقيق وذره ملح ناعم ونقلب بشويش زى الاسبونش كده من تحت لفوق
- 4
ولما الخليط يمتزج كويس ننزله فى صنيه مقاس 26 او25 ودا افضل مقاسين ليها ونخبط الصنيه ع الرخامه عشان نخرج فقاقيع الهوا الكبيره وع الفرن لمده 30 دقيقه وبعدين نختبرها بخله لو استوت تمام نحمر الوش لسه يبقى نسيبها كمان شويه
- 5
اهم حاجه تكون كل المقادير بدرجه حراره الغرفه والفرن يتسخن قبل وكمان ننخل الدقيق كام مره وما نفتحش قبل مرور نصف ساعه ولما تستوى ما نخرجهاش ع الرخامه لانها بتكون بارده هتخليها تهبط نخرجها ع عين البوتجاز وسيبوها تهدى قبل ما تقطعوها وبالهنا.
كلمات ذات صلة
وصفات مشابهة
وصفات ننصحك بمشاهدتها
التعليقات (2)