نخلطو البيض مع السكر حتى نحس بيه تقريبا ذاب كامل هذاك ااسكر، ثم نضيف الزيت ونبقى نخلط باستخدام الضراب اليدوي ثم نضيف الحليب وعلبة لايورت ومبشور الليمون

بعد مايمتازجو المكونات مع البعض نضيف الفرينة لي كنت ديجا غربلتها نضيف على مراحل حوالي زوج كيسان الا ربع مع اضافة كيسي الخميرة حتى الحصول على خليط يكون سائل

نفرغ كمية من الخليط في صحن اخر حوالي الربع ونضيفلو ملعقة الكاكاو ونخلط حتى يمتازجو

نحكم نفرغ فالمول الخليط البني بشكل دائري ثم نضيف الأبيض بنفس الطريقة ثم الأسود، ثم نفرغ الخليط الابيض المتبقي بنفس الطريقة حتى يتغطى البني تماما.

ندخلو المول الى الفرن على درجة 160.

التزيين اختياري وحسب المتوفر