نخلط الماء و الزيت و الملح مليح حتى يولي اللون تاعها ابيض ثم نضيف الفرينة تدريجيا و الخميرة نخلط مليح حتى الحصول على عجينة طرية

نغطيها بكيس بلاستيكي و نخليها ترتاح

نوجد الحشو نقلي البصل و الطماطم و الثوم و طماطم مصبرة و جزر مبشورة مليح.

ثم نتبلهم بالتوابل و نملح و نخليه يطيب حتى الماء تاعها ينشف.و نزيد عليها فرماج مقطع قطع صغيرة و زيتون اخضر مقطع دوائر.

نجيب العجينة نحلها شوية و نخلط النشاء مع الزيت حتى نتحصل على خليط كريمي و ندهن بيه كامل العجينة و نروليها على شكل حربوش ثم نقطعو على نصفين متساويين النصف الثاني نحطو في كيس باش ميتفتتليش.

نرش طاولة العمل بالفرينة و نحل الجزء الاول رقيق على شكل الصينية لي رايحة نستخدمها.

ثم نرولي العجينة على الجبال باش تجيني ساهلة باش نرفدها و نحطها فصينية مدهونة بالزيت او زبدة

نحيلها كامل الاطراف الزايدة و ندير الحشو على سطح كامل العجينة و نرابي عليها فرماج و نزيد الجزء الثاني من العجينة بنفس الطريقة و نغلق مليح الاطراف ثم نقطعها إلى مربعات و نقطعها حتى يوصل السكين الى الأسفل و ندهن الوجه كامل ببيضة مع قطرات خل و نزينها بزيتون اسود او اي حاجة تحبيها

شهية طيبة على قلوبكم 😍