بسم الله الرحمن الرحيم 🌺 بنخل الطحين وبضيف عليه السمنه لازم تكون ذايبه والقطر وكاسة ماء وبعجن وبرجع بضيف نص كاسة الماء الباقيه وعلى حسب الطحين شو بيشرب بدي عجينة طرية بدهن العجينة بزيت نباتي وبغطيها وبتركا ترتاح نص ساعة..... الزبده بدي ياها بحرارة المكان بخلط معا ملعقة سمنه بلديه.بعد مرتاحت العجينة بدلكا وبدهن الطاوله بزيت نباتي وبعملا شكل رول وبقطع العجينة قطع متساويه بدهن صينية بزبت نباتي وبحط فيها قطع العجين

بأخذ قطع العجين وبفتحون بشكل دائري

كل قطعه بدهنا بالزبده كتير منيح كل ماكانت الزبده كتيره رح آخد نتيجه أفضل

بطبق العجينه على بعضا وهيك لخلص كل الكميه

بتركون يرتاحو عشر دقائق وبلش اشتغل فيهن بأخذ اول قطعه وبمدا رح تمد معي وكل ماحاول مدا اكتر بأخذ نتيجه أفضل وبلفها

هيك لخلص كل قطع العجين بحطون بصينية وباخدون عالتلاجه نص ساعة

الحشوة اختياري انا حطيت نص قشطه وخلطت معا نص قريشة الحليب

بعد نص ساعة بفتح قطع العجين وبحشيون وبسكرون بالشكل يلي بتحبوه وبصفون بصينية الفرن بكون داهنتا زيت او سمنه على حسب الرغبه بترك مسافه بين القطع بدهن وجه الشعيبيات بالسمنه وعلى فرن حامي بدخلون الفرن لياخدو اللون الذهبي.....بصفي السمنه من الصينية وبضيف القطر البارد على الشعيبيات وهي ساخنه 😋