بسم الله في قدر نحط الزيت الدجاج البصل الثوم التوابل عود كرافس انا خلاص مع فنجال ماء ونقص النار ونخليهم يتقلاو مليييح ونمرق بكمية الماء المناسبة ونقفل حتى يطيب

منبعد نزيد كاس من الفارميسال مع التحريك المستمر حتى تحكم روحها مليح نزيد قرن فلفل حار نخليها الطيب مليح راهي ماتخذش وقت فالطياب بعد ماطيب وتخثار انا كنت فتت الطرف نتاع الدجاج انا نحبها بالدجاج ميش باللحم ميش كيما نتاع لفريك ونقدمها مع رشة دبشة اوكزبرة خضرا مع كسرة خميرة (مطلوع) او رخساس او خبيزات محشيين

بالصحة والعافية