في وعاء عميق نضع الفرينة و المايزينة ندير حفرة نفرغ الزبدة الذائبة و بيضة و ملح و فانيلا و نص كاس ماء و ماء زهر و نلم العجينة و نضيف الماء و ماء الزهر حتى الحصول على عجينة طرية تدي حوالي كاس غير ربع ماء و ماء الزهر.
نخليها ترتاح حوالي ربع ساعة ثم نبدأ بالتحضير.

من جهة نحضر الحشو.
نحط الكاوكاو و السكر و الفانيليا و نرش بماء الزهر غير بالاصابع تدريجيا حوالي 2 ملعقة ك ماء الزهر و ملعقة صغيرة سمن او زبدة.

نديهم الصينية مليح و نحل الكرة الاولى رقيقة بزاف ثم نضعها في الصينية ندهنها مليح بالزبدة نرش عليها شوية مايزينة (نشاء)و نزيد الطبقة الثانية و الثالثة حتى السادسة بنفس الطريقة و لكن الطبقة السادسة بلا مندهنوها و نحط الحشو ثم نرشو بالزبدة.

و نزيد الطبقات المتبقية بنفس الطريقة و في الاخير نزين البقلاوة بالشكل الى نحبوه و كي نطبعو الشكل لي خيرناه نلصقوه ببياض البيض و نقطعها كامل حتى للقاع و ندهنونها كامل بالزبدة و نغطيها بكيس بلاستيكي مليح و نخليها حتى الغدوة

باش كي تطيب اي تستوي شكل ديال الحبات ميتعوجش و يبقى كيما اي مثل هو مبعد نطيبوه و كي تطيب اي تستوي نعسلوها مباشرة و هي سخونة و نخليوها 24 ساعة ثم نقطهوها.

و شهية طيبة على قلوبكم 😍😘