بنحط الزيت والماء والسكر والملح بطنجرة وعالنار لحد ما يبدأ يغلي بنخل الدقيق ونضيف الدقيق والنشأ مرة وحدة مع بعض ونحركهم ع نار هادئة لمدة خمس دقائق لحتى يتكون عندنا عجين متماسك

بعدها بنطفي النار وبنترك العجينة تبرد

بنضيف اول بيضه ونخلط ونعجن لحد ما يروح اثرها فالعجين بنضيف الثانية وهكذا لحد ما نخلص كل البيض...بنضيف الفانيل

بتتكون عندنا عجينة ما بتلصق بالايد...بنحط قسم منها بكيس حلواني وبنشكلها

طريقة القلي: الزيت يكون بارد بنقص حبات البلح بالشكل اللي حابينه وبعد ما يمتلي الوعاء بالحبات بنشغل النار ع متوسطة ، اول ما يبدا الزيت يحمى وتطفو الحبات بنقلبها تقليب مستمر...وبعد ما نخلص من اول قسم من العجينه نترك الزيت يبرد ونكرر اللي سويناه بالمرحلة الاولى من القلي

ملاحظات: الكوب المستعمل كوب معياري..الزيت يكون بارد...ما نقلب البلح الا لما الزيت يبدأ يحمى

نحطها بشيرة ثقيله نوعا ما...كوب ومعلقتين ماء وكوب الا شوي سكر