نبدا بسم الله بتحضير العجين نجيب صحن زجاجي نحط فيه الحليب دافئ ونضيف م ص ملح و2ملاعق سكر ونخلط ثم نضيف نصف كاس زيت وكاس ماء و2بياض بيض ونخلط الكل جيدا ثم نضيف الفرينة تديرجيا مع م ك خميرة ونخلط حتى نتحصل على عجينة متماسكة

بعد مالميت العجين جيدا نغطيه بورق شفاف ونخليه مدة ساعة

بعد ماتخمر العجين نحي الورق الشفاف ونرش طاولة العمل بالفرينة ونحط العجينة تاعي ندعكها قليلا ثم نقسمها الى اثنين

بعد ذلك نقسم الجزؤ الاول من العجينة الى 5قطع نحاول تكون متساوية انا وزنتها 162غ لكل وحدة ونشكلها كرات ونتركها ترتاح

بعد ذلك نبدا بحل كل كرة بالحلال ونجيب امامي زبدة مذابة نحل كل الكرات ونجيب الكرة الاولى ندهنها بالزبدة ونحط فوقها الثانية وندهن بالزبدة حتى نكمل الكرات 5الفوقانية ماندهنهاش بالزبدة

الخطوة التالية نسوي الكرات 5باليد جيدا ثم نبدا بحلهم بالحلال ونقسم العجينة تاعي الى مثلثات ونحط قطعةشكولا في كل مثلث

نلف كامل المثلثات ونحط حبات الكرواصون فيسينية ونخليها تختمر مرة اخرى وندهنها بصفار البيض

اما الجزء الثاني من العجينة خدمتو بريوش رولي

خطوة الاخيرة نحط حبات البريوش تطيب حتى تتحمر من تحت ثم نحمرها من فوق