لتحضير التونه جهزت الخضاار غسلتهم وقطعتهم

في مقلايه ع النار نحط الزيت والبصل ونذبلهم

نضيف الثوم والفليفله ع البصل ونقلبهم حتى تطلع ريحه الثوم

نضيف التونه والفلفل والكمون ومكعب المرق ،، ولوو الكميه اكبر اكيد بتحتاج ملح لكن انا هنا اكتفيت بمكعب المرق لانو الكميه صغيره

نقلبهم لفتره تقريبا ٥ دقائق لحتى تمتزج المكونات وتاخذ طعم بعض ع نار هاديه ثم نضيف الطماطم

بس تذوب الطماطم وتتسبك مع التونه نضيف كميه الكزبره الخضرا ومباشره نطفي الناار

لتجهيز الصوص نخلط الجبنه والقشطه والمايونيز بصحن عميق شوي

طلع الخليط معي ثقيل شوي وعشان اخففه اضفت شوي حليب

قوام الخليط اللي حصلت عليه

بقاع الصينيه اضع كميه المكرونه واضيف لها ملعقه من خليط الجبنه

اقلب المكرونه مع الخليط حتى كلهاا تتغلف بالخليط

ارتب المكرونه بالصينيه واضيف طبقه التونه

اسكب باقي خليط الجبنه ع الوجه واسويه كطبقه ثالثه

ادخلهاا ع الفرن يتحمر الوجه ثم اطفي عليهاا واتركهاا تبرد ع مهلهاا عشان تاخذ شكل الصينيه وتتماسك

هذا شكلهاا بعد ماتماسكت وقدمتهاا ،، صحتين وهناا جربوهاا باذن الله تعجبكم 🤓😋