مولتن كيك 🍫☕
ازاى الشوكولاتة تنهار منها زى اشهر الشيفات😉 #molten_lava_cake
طبعا المولتن كيك مالهاش اى علاقة بالنكهة العربية ولا ليها أصول عربية لا من قريب ولا من بعيد ,عشان نكون صرحاء مع بعض كدا من الأول.طيب ايه بقى اصل المولتن لافا كيك,الحقيقة ان فى خناقة بين فرنسا وامريكا على اصل المولتن كيك,فى يوم من الايام شيف امريكى قرر انه يوثق المولتن كيك بان هو اللى عملها،لكن شيف فرنسي اعترض وقاله لا عندك المولتن كيك دى فى مطبخنا الفرنسي من زمااااااااان،كان فيه شيف بيخبز كيك شوكولاتة اسفنجى وطلعها من الفرن قبل الوقت،طبعا انا لما قريت لن الشيف الفرنسي طلع الكيك من الفرن قبل الوقت فرحت اوى ،لان اهو مطلعتش لوحدى دا شيف ومن فرنسا وبيطلع الكيك بدرى يعنى اكيد باردو هبطت منه واتنكد يا عينى يومها زى ما بيحصل معايا علطول وربنا مايقطعلناش عادة،المهم الشيف لما طلع الكيك وكان قلبها طبعا مش مستوى كويس وقريب من فكرة المولتن كيك عجبته الفكره ومن وقتها بدءت فكرة المولتن كيك فى فرنسا,الحقيقه معرفش لحد دلوقتى هل حسموا الموقف واستقروا على امريكا ولا فرنسا انا معرفش،لكن عموما دا مش هيأثر على موقفنا كوطن عربي فى حاجة من ناحية حبنا ليها احنا فى الغالب كل واحد هياخد المولتن كيك بتاعته مع كباية شاى بالنعناع او واحد قهوة مظبوط ريحته مفحفحة وهنسيبهم التنين يخلصوا على بعض وهنشجع اللعبة الحلوة فى الأخر.كفايه رغى بقى وياللا نعمل المولتن كيك،بسم الله
مولتن كيك 🍫☕
ازاى الشوكولاتة تنهار منها زى اشهر الشيفات😉 #molten_lava_cake
طبعا المولتن كيك مالهاش اى علاقة بالنكهة العربية ولا ليها أصول عربية لا من قريب ولا من بعيد ,عشان نكون صرحاء مع بعض كدا من الأول.طيب ايه بقى اصل المولتن لافا كيك,الحقيقة ان فى خناقة بين فرنسا وامريكا على اصل المولتن كيك,فى يوم من الايام شيف امريكى قرر انه يوثق المولتن كيك بان هو اللى عملها،لكن شيف فرنسي اعترض وقاله لا عندك المولتن كيك دى فى مطبخنا الفرنسي من زمااااااااان،كان فيه شيف بيخبز كيك شوكولاتة اسفنجى وطلعها من الفرن قبل الوقت،طبعا انا لما قريت لن الشيف الفرنسي طلع الكيك من الفرن قبل الوقت فرحت اوى ،لان اهو مطلعتش لوحدى دا شيف ومن فرنسا وبيطلع الكيك بدرى يعنى اكيد باردو هبطت منه واتنكد يا عينى يومها زى ما بيحصل معايا علطول وربنا مايقطعلناش عادة،المهم الشيف لما طلع الكيك وكان قلبها طبعا مش مستوى كويس وقريب من فكرة المولتن كيك عجبته الفكره ومن وقتها بدءت فكرة المولتن كيك فى فرنسا,الحقيقه معرفش لحد دلوقتى هل حسموا الموقف واستقروا على امريكا ولا فرنسا انا معرفش،لكن عموما دا مش هيأثر على موقفنا كوطن عربي فى حاجة من ناحية حبنا ليها احنا فى الغالب كل واحد هياخد المولتن كيك بتاعته مع كباية شاى بالنعناع او واحد قهوة مظبوط ريحته مفحفحة وهنسيبهم التنين يخلصوا على بعض وهنشجع اللعبة الحلوة فى الأخر.كفايه رغى بقى وياللا نعمل المولتن كيك،بسم الله
إفتح في تطبيق كوكبادالخطوات
- 1
الشوكولاتة والزبدة نسيبهم على نار هادية جدااااا لحد ما يسيحوا ويختلطوا مع بعض. الشوكولاتة الى هنستخدمها يفضل نسبة الكاكاو فيها تكون اعلى من 50%
- 2
نشغل الفرن على حرارة وسط 180. فى الوقت دا نخلد الدقيق ورشة الملح مع بعض ونبطن البولات بزبدة ورشة دقيق
- 3
فى الوقت دا هيكون خليط الشوكولاتة ذاب ،نضيفه لخليط البض ونقلب سريعا بملعقة عشان حرارة الزبدة والشوكولاتة ماتأثرش على البيض ونخلطهم لحد ما يبقى لون الخليط هو لون الشوكولاتة اللامع اجميل
- 4
نخفق بالمضرب الكهربائى البيض ،الصفار،الفانيليا،السكر لحد ما يختلطوا كويس والسكر يذوب ولون الخليط يبقى فاتح
- 5
لكن لو انتو زييى فى الغالب هكون مجهزة واحد نسكافيه والمعلقة فى ايدى واول ما اشيل البولة هضربها فى قلب المولتن كيك واستقبل الشوكولاتة السايحة بقى واعيش حياتى
- 6
نضيف الدقيق ونقلب كويس جدا بالملعقة او المضرب اليدوى. نصب الخليط فى البولات اللى هستخدمها وتكون مليانة للأخر عادى ماتخفوش الكيك مفيهوش بيكنج بودر ولا مواد رافعه فمش هيعلى غير حاجة بسيطه من البيض وندخلها الفرن 12 دقيقه
- 7
هنلاحظ تكزن جدار رقيق من الكيك فى الاعلى والجوانب لكن القلب مش مستوى ودا اللى احنا عايزينه. نخرجها من الفرن ونضع عليها طبق التقديم ونقلبها ونسبها دقيقتين وبعدين نرفع البولة من عليها لو عندكم صبر نزين بقى باللى نحبه سكر بودرة،كاكاو،صوص شوكولاتة ، صوص كراميل ، فراولة ، ايس كريم
- 8
انا هنا سيحت زبدة لوتس على حمام مائى وزينت بيها وبس خلاص مطرح ما يسرى يمرى
كلمات ذات صلة
وصفات مشابهة
وصفات ننصحك بمشاهدتها
التعليقات (3)