إفتح في تطبيق كوكبادالخطوات
- 1
بننقع البرغل بمي (تقريبا بياخد كاستين ونص مي بحيث انو ينفش وما تكون في مي زايدة).
- 2
بس ينفش مزبوط بنضيف علية بقية مكونات العجينة وممكن نعجنن بإيدينا او بماكينة الكبة.
- 3
بنحط مقلة عالنار وبنقلب فيا البصلة المفرومة بملعقة السمنة وبنتركا لتدبل وتبلش تصير شقرا.
- 4
بنضيف اللحمة المفرومة فوقا والشحمة والملح والفلفل الاسود وبنقلب وبس تستوي اللحمة بنضيف اللوز او الصنور وبنقلب دقيقة وبنطفي.
- 5
بنجيب الصينية اللي بدنا نخبز فيا الكبة وبندهنا بالسمنة وبنمد نص كمية عجينة الكبة وبنرفعا شوي من الجوانب.
- 6
بنحط الحشوة فوقا وبنغطيا بالنص اللي بقي من عجينة الكبة.
- 7
بندهن وش الكبة بالسمنة وبنقطع بالشكل اللي حابينو.
- 8
بنخبز الصينية من تحت بالاول حوالي نص ساعة (وممكن اكتر على حسب ما تستوي) وبعدين بنحطا حوالي 10 دقايق من فوق.
- 9
وهيك بتكون الكبة صارت جاهزة للتقديم وممكن تقدمو جنبا لبن او شوربة عدس وصحة وألف هنا 😙😙😙
- 10
نصيحة اليوم:
الكوكسناب
وصفات مشابهة
Baked Kibbeh My Way 😋 وصفات ننصحك بمشاهدتها
التعليقات
فتحت التلفون لقيتك عامليتها
صحة وهنا بتجنن طالعة معك ماشاء الله يسلموا هالايدين