اولا بسم الله الرحمن الرحيم والصلاه والسلام على رسول الله عليه وسلم سلام حبيباتي جبتلكم اليوم طريقة تحضير البيتزا بسيطة ومكونات متواضعة

اول نخلط الحليب الدافئ مع ملعقة الخميرة وملعقة السكر و كوب من الفرينة نخلط جيد ثم نغطيه ونخليه يختمر مدة 10د كي يضاعف حجمو قليل يصبح كي الاسفنج نضيف الزيت والملح والخل والفرينة بتدريج حتى تتماسك

المهم الا شفتوها قليلة العجينة ضاعفو الفرينة وزيدو القليل من الماء الدافئ حتى تتماسك وتصبح وتكون تلتسق نوعا ما ثم نتركها ترتاح وتختمر مدة ربع ساعة المهم حتي بضاعف حجمها

في هذي المرحلة انا حضرت صوص طوماط بس على طريقتي صدقوني جات اتهبل انا درت الصوص كيما التغميسة ولكن البصل افرمتو امليح بي آلة الحشاوش ثم ضفت التوابل والزيت ثم الطماطم كي اجمرت طفيت عليها

اما التزيين انا قسمت العجينة على قسمين قسم عماتو بيتزا عادية كما في الصوره والعجينة المتبقية عملت بيتزا فاغمي كما في الصوره لزوج جاو اهبلو والتزيين عادي زيتون اسود وجبن ابيض وجبن مبشور وبي الصحة والهناء وراحة البال انشاء الله 😘