تحضير المرقة نضع الدجاج وحبتين بصل مقطع و نحطو معاهم التوابل ملح حرور سكين جبير كركم عكري والزيت ونقلو مزيان كلشي حتى يتذبل البصل ونزيدو ماء ساخن حتى يتغطى اللحم ونزيدو معاه الحمص والجزر واللفت ونخليه ربع ساعة

ونزيدو الكوسى والبطاطا والقصبر والكرافص والمعدنوس والطماطم نكونو طاحناها حبتين طماطم مقشرة ومطحونة وطماطم مصبرة وصافي نخلوه يطيب كليا ونزيدو جونبو في الاخير اختياري

قبل منزيدو الطماطم الخليط ناخدو منه ثلاث كؤوس مرقة نحضر بيها الزبيب

نقطع حبة بصل نخليه يتقلا مليح نزيدو معاه الزبيب والكؤوس المرقة لي خليناها من المرقة قبل منزيدو طماطم ونزيدو معاه العسل والقرفة عود وقرفة مطحونة ونخليه حتى يطيب

تحضير الكسكس نغسلو بالماء بارد ونديرو معاه ملعقة زيت بعد ما تخليه ينشف كليا من الماء ونديرو يفور و ندخلو معاه نصف حبة بصل ونخليوهم شي 20 دقيقة او 15 دقيقة وناخدوه نرشوه بالماء بارد شي كاسين ونحكوه مليح حتى ينشف الماء