એક તપેલીમાં છાશ લઈ તેમાં ચણાનો લોટ અને પાણી ઉમેરી સરખી રીતે જેરી લો

હવે જાડા તળીયાવાળી તપેલીમાં ઘી ગરમ કરી તેમાં રાઇ નાંખી કકડે એટલે તેમાં જીરું, તજ, લવિંગ, મીઠા લીમડાના પાન, લીલા મરચાંના ટુકડા અને હિંગ નો વઘાર કરી તેમાં ચણાના લોટવાળી છાશ વઘારો. હવે તેમાં સ્વાદ મુજબ ગોળ અને મીઠું ઉમેરી સરખી રીતે મિડિયમ તાપે ઉકળવા દો. વચ્ચે વચ્ચે હલાવતા રહો જેથી કઢી ઊભરાઈ ન જાય.

કઢી બરાબર ઉકળવા લાગે એટલે તેમાં સમારેલી કોથમીર નાખી ગેસ બંધ કરી દો. તૈયાર છે ગરમા ગરમ ખટમીઠી ગુજરાતી કઢી.