نديرو الكاس تاع الحليب الدافي مع الزيت و خميرة الخبز و السكر و شوية ملح و نخلطوهم من بعد نزيدوهم بياض بيضة و نخلطو و نلمو بالفرينة بلا ما ننسو خميرة القاطو و نخلو العجينة تتلصق شويا و نحطوها تخمر على الاقل نصف ساعة

نخضرو الحشو...نشوي الفلفل و حبة الطماطم و نقطعوهم

نطحنو البصل مع الثوم و نديروه يتقلى في شويا زيت و نزيدولهم الفلفل و الطماطم و الجزر المبشور و نطيبوهم مع التحريك المستمر باش ما تنحرقش الخضرا و تجيني مرة كي يطيبو نديرولهم الزيتون المقطع الي تكوني غليتيه لمدة دقيقة و في التالي نرمو الفرماج و نخلطه انا نبغيه في وسط الحشوة ذايب ماشي م الفوق

بعد ما تخمر العجينة نديغازوها و نبدو نخدمو بيها و كثرو الفرينة كي تبغو تحلوهم باش ما تلصقش نطبعو الدوائر ونعمروهم بالحشو و نغلقو

نحطوهم في سنيوة ندهنوهم بصفار البيض الي بقا م البيضة نزيدوله شويا حليب و التزيين اختياري و ندخلوهم للفرن بعد ما نكونو سخنناه قبل

كي يطيبو م التحت نشعلو عليهم م الفوق