முதலில் ஒரு பாத்திரத்தில் வெல்லத்தை தட்டிச் சேர்க்கவும்,அதில் தேவையான அளவு தண்ணீர் ஊற்றி ஏலக்காயை தட்டிச் சேரத்து கொதிக்க விடவும்.வெல்லம் உருகி நன்றாக கொதிக்க விட்டு ஆற வைக்கவும்.

வேறொரு பாத்திரத்தில் தேவையான அளவு அரிசி மாவு எடுத்துக் கொள்ளவும்,அதில் வெல்ல பாகுவை வடிக்கட்டி சேர்க்கவும்,கனிந்த செவ்வாழைப்பழத்தை மசித்து சேர்க்கவும்.

ஒரு கைப்பிடி அளவு தேங்காய் துருவல் சேர்த்து மாவு கட்டி இல்லாமல் நன்றாக கரைக்கவும்.தண்ணீர் சேர்க்காமல் வெல்ல பாகுவை மட்டும் சேர்த்து இட்லி மாவு பதத்திற்கு கரைக்கவும்.

வாழை இலையை எடுத்து மளிகைக் கடையில் பொட்டலம் போடுவதுப் போல் பொட்டலம் போட்டு அதில் மாவுக் கலவையை சேர்த்து மடித்து வைக்கவும்.

இட்லி பாத்திரத்தில் தண்ணீர் ஊற்றி இட்லி தட்டில் பொட்டலத்தை வைக்கவும்.வாழை இலை கிடைக்காவிட்டால் டம்ளர் அல்லது சிறிய மூடி போன்ற பாத்திரத்தில் வைத்து 10 நிமிடம் வேக வைக்கவும்.

வெந்து முடிந்தப்பின் ஆறியவுடன் மெதுவாக வாழை இலையை எடுக்கவும்.தேங்காய் துருவல் சேர்த்து பரிமாறவும்.

மாலை வேலையில் இது போன்று குழந்தைகளுக்கு செய்து கொடுத்தால் விரும்பி சாப்பிடுவார்கள்.இதில், வெல்லம்,செவ்வாழைப்பழம் சேர்ப்பதால் உடலுக்கு மிகவும் நல்லது,மேலும் வாழை இலை வைத்து செய்வதால் நோய் எதிர்ப்புச்சக்தி அதிகரிக்கும்.