إفتح في تطبيق كوكبادالخطوات
- 1
اول شي نحط 15 حبة تمر منزوع النواة ونحطه بالباديه ونحط الماي الحار المغلي ونخلطهم مع بعض لين التمر يذوب ويصير مثل معجون التمر ونضيف ملعقتين دبس التمر ونخلطهم ونخليه على صوب
- 2
نجيب بادية الخلاط ونحط فيها ثلاث بيضات والسكر ونخلطهم لين يصير عندي متجانس البيض مع السكر نضيف الزيت ونخلط ونضيف الحليب ابو علم ونخلط ونضيف الفانيليا و البيكنغ بودر و الخميره ونخلطهم ونحط بالتدريج الطحين ونخلط لين يصير عندي القوام ثقيل احط عليه خليط معجون التمر اللي احنا سوينا ونخلطهم لين يصير عندي قوام خليط الكيك
- 3
نجيب البايركس ونحط عليه زيت ونرش على الزيت طحين عشان ماتتلصق الكيكة وتحترق بالبايركس ونحط الخليط بالبايركس ونحطه بالفرن لمدة 25 دقيقه وعلى ماتستوي الكيكة نسوي صوص التوفي
- 4
نحط السكر على النار هاديه بدون تحريك نار هاديه وتخلونه جذي لين يصير عندي لون الذهبي واذا صار عندي لون الذهبي نحط الحليب ابو علم المبخر ونخلطه لين يتجانس عندي الصوص نطفي على النار ونضيف ملعقه قفشه صغيره فانيليا ونخلطهم ونخليه على صوب لين تستوي الكيكة عندنا
- 5
ولما تستوي نخليها تبرد و نسوي اثقاب على الكيكه عشان يدش الصوص بالكيكة وتصير هشه وطريه ولما نخلص ثقب نضيف الصوص التوفي ونضيف حبات التمر للتزيين ونقطعها وبالعافيه عليكم يارب❤️
وصفات مشابهة
وصفات ننصحك بمشاهدتها
التعليقات (2)
مايكفي بكنبودر تبع الكيك