نجيب اناء ندير فيه الحليب والزيت والسكر والخميرة نخلطهم مليح من بعد نضيف بياض بيضة ونواصل الخلط وفالاخير نضيف الملح والفرينة حتى تتلم العجينة وتكون طرية بزاف مشي يابسة نخليها تخمر حتى يتضاعف حجمها

في هاذا الوقت نحضر الحشو نجيب مقلة ندير فيها البصل وشوية زيت والملح ونغليهم مليح من بعد نضيف السكالوب والفلفل الحار ونواصل التحريك حتى يذبالو من بعد نضيف الطماطم الحب والطماطم. المصبرة والثوم المرحي والتوابل ونحركم مليح كي طيب نطفي عليها ونضيفلها كسبر اخضر وزيتون اخضر مقطع رقيق

من بعد نروح للعجينة تاعنا بعد لخمرت نكسرلها الخمور ونشكلها على شكل كويرات صغار ونحلهم بالحلال ونضعهم فوق الطابع كما رآه موضح فالصورة ونضع الحشو فالوسط ونغلق عليه جيدا من بعد نضع الحبات فالبلا ليدخل الفور من فوق ندهنهم بصفار البيض لكنت ضفتلو شوية قهوة وشوية حليب وندخلهم الفرن يطيبو وفالاخير نزينهم بشوية مايوناز على الأطراف وفرماج رابي وشهية طيبه